Asemblea Republicana de Vigo

Compartimos a vídeo crónica realizada polos compañeiros e compañeiras da Asociación Viguesa pola Memoria Histórica do 36.

Viva a República!

Xoves 14 de abril ás 12:00 dende o cruce de Vía Norte con Urzáiz (Vigo)

Este vindeiro xoves 14 de abril no 91 aniversario da proclamación da II República, a Asemblea Republicana de Vigo convoca unha nova Manifestación Pola República que sairá dende o cruce de Vía Norte con Urzáiz.

Unha manifestación que percorrerá as rúas da cidade na loita pola República e contra a monarquía corrupta.

A manifestación rematará no MARCO coa intervención de Xosé Luís Outes Ruso.

Viva a República!

PD: Calquera que desexe máis información o respecto, podedes poñervos en contacto connosco a través do enderezo contacto@asemblearepublicana.org.

Este pasado fin de semana faleceu o noso compañeiro e membro da nosa asociación Fernando Martínez Randulfe, avogado laboralista clave na defensa xurídica dos traballadores e traballadoras durante a ditadura e despois, republicano, home fondamente solidario, defensor de Galicia ademais dunha gran persoa.

Que a terra lle sexa leve

Saúde e República

A Fiscalia Xeral do Estado acaba de anunciar que arquiva a investigación sobre o Rei Emérito pese a constatar que entre 1975 e 2014 Juan Carlos Borbón cometeu numerosas irregularidades fiscais. É dicir que cometeu posibles delitos de blanqueo de capitais e de cohecho, amais dos presuntos delitos fiscais. É dicir que delinquiu.

Só a prescripción de determinadas actuacións e a impunidade e inimputabilidade que lle otorga a Constitución, salva ao Borbón dun proceso penal e de recibir merecidamente o calificativo legal de delincuente.

Na ARV cremos que xa é tempo de acabar coa corrupción da Coroa, que xa é tempo de pór freo aos panexíricos televisivos e de papel couche loando a unha institución en nada exemplarizante.

Os republicanos e republicanas estamos ata á coronilla dunha constitución que ao afirmar no seu artigo 56, punto terceiro que “la persona del Rey o Rei es inviolable y no está sujeta a responsabilidad”, non só permite que a Fiscalía Xeral do Estado poda arquivar, como acaba de facer, as investigacións abertas contra o Rei Emérito, senón que lle esta dicindo ao actual Rei Felipe VI, o seu fillo, que, non se preocupe e que siga facendo o que facía papa, porque mentres sexa xefe do Estado é inviolable e non esta suxeito a responsabilidade.

Finalmente queremos manifestar que os homes e mulleres da Asemblea Republicana de Vigo, non só estamos fartas e ata a coronilla da Monarquía, da Coroa, de Felipe, de Letizia ou do Emérito pola súa corrupción intrínseca ou polos seus privilexios legais, estamos, sobre todo, fartos da Monarquía por antidemocrática e por ser unha herdanza da ditadura.

Abaixo O Rei!
Abaixo Os Borbóns!
Viva a República!

Vigo, marzo 2022

Este mércores 14 de abril ás 19:30 a Asemblea Republicana de Vigo convoca unha concentración na Farola de Urzáiz contra a monarquía e pola República.

Despois de que a pandemia da COVID-19 impedira o pasado ano que a ARV convocaramos a manifestación, este ano, e 90 despois da chegada da República volvemos ás rúas de Vigo e convocamos unha concentración o 14 de abril.

A República foi un momento histórico no que, como indicaba a súa Constitución, traballadores e cidadáns de toda clase se dotaban dun dos textos constitucionais máis avanzados socialmente da súa época. Unha República que trouxo avances fundamentais para o conxunto da maioría social traballadora.

Todos e todas sabemos como acabou tralo Golpe de Estado Militar froito de intereses alleos aos da maioría social. Pois ben, 90 anos despois, os netos dos que acabaron coa República seguen gozando de total impunidade e os grandes poderes encabezados pola Coroa con Felipe VI e o seu pai, o Rei Emérito e presunto delincuente, continúan impoñendo políticas que só benefician á pequena minoría que eles mesmos representan.

Claro exemplo disto é o presunto trato de favor dado ao Rei Emérito Juan Carlos de Borbón por parte da Fiscal Xeral do Estado e do Director Xeral da Axencia Tributaria para que regularizase, con total impunidade, as súas débedas con Facenda. Tal escandalosa actuación, foi o que levou a ARV a interpoñer unha querela diante da Sala do Penal do Tribunal Supremo contra estas dúas importantísimas institucións do Estado por presunto delito de prevaricación administrativa e omisión de persecución dos delitos contra as persoas.

Contra a impunidade, contra a monarquía e por unha República do pobo, o vindeiro mércores 14 de abril convocámoste na Farola de Urzáiz (Vigo) ás 19:30.

ABAIXO A MONARQUÍA!
VIVA A REPUBLICA!

Aquí tendes o texto íntegro da querela presentada pola ARV contra a Fiscal Xeral do Estado e o Director Xeral da Axencia Tributaria por presunto delito de prevaricación a propósito do trato de favor mantido co Rei Emérito Juan Carlos I pola regularización das súas débedas fiscais.