O vindeiro mércores 25 de xaneiro ás 19:30 na Escola Municipal de Artes e Oficios (García Barbón, 5. Vigo) terá lugar un acto de homenaxe e lembranza aos mortos e mortas do Bou Eva.
Case 86 anos despois do asalto ao Bou Eva, o Ateneo Atlántico e a Asemblea Republicana de Vigo organizan un acto en lembraza destas vítimas do franquismo.
A charla-coloquio contará coas intervencións de Celso López Pazos, presidente da ARV, Jacinto Mosquera Nogueira neto de dúas das vítimas e de Xosé María Álvarez Cáccamo, poeta.
Varios colectivos da nosa cidade levan anos reclamando ás institucións públicas, memoria para as vítimas do maior suicidio colectivo por motivos politicos da guerra de España e, seguramente, da historia contemporánea de Europa, coa intención de dar a coñecer un suceso tráxico, dramático e pouco coñecido da historia do noso pobo e da nosa cidade.
